復活節同Mr. No約左朋友係觀塘食Tea,近幾年觀塘既發展真係好大,由從前既工業舊區,陸陸續續開左大商場,酒店,新商廈,而係工廈中亦開左好多新餐廳,傢俬店,食材店,Workshop等等‧‧‧真係百花齊放,充滿新機!
今次我地揀左一間新開無耐,以運動做主題既餐廳試下!一上到去,地方真係好大,因為呢度有成八千呎,分左幾個區域,每個區域既餐枱/櫈都有d唔同,枱上有用藍球,網球做裝飾,牆上有好多波衫,電視播住唔同運動節目,餐廳一邊係落地玻璃,行出去仲有個露天平台,雖然望出去只係工廈景,但感覺舒服開揚,呢度仲有掟標機同足球機玩,岩哂一班Friend黎玩同睇波飲啤酒!
食物方面主打美國菜,餐牌有沙律,漢堡,意粉,牛排,Pork Ribs同薯條,雞翼之類既小食,我地叫左3樣Share黎食。
特色公司三文治 $98
微燒過既麵包入面有Turkey,Ham,Bacon,生菜,蕃茄,瑞士芝士,涵料好豐富,芝士味好Rich,肉類味道較淡,拌碟薯條夠脆同乾身。
The Stadium Combo $128
份量都幾大,有炸洋蔥圈,Mozzarella sticks,薯皮,水牛雞翼,炸魷魚圈,同Corn nuggets,配埋四種Homemade sauce, 炸薯皮有D燶,洋蔥圈同炸魷魚圈個炸漿略厚,水牛雞翼我怕辣都食到,Mozzarella sticks已經凍了,無拉絲效果,可能掛住傾計攤凍左,所以整體只屬一般,大家記得襯熱食。
海鮮意粉 $128
都幾多海鮮,有青口,帶子,大蝦同魷魚,夾埋酸酸地既香濃蕃茄汁,清爽開胃!
Hazelnut Latte $35幾好飲,牛奶咖啡比例恰到好處,同埋都幾大杯,$35比起外面既cafe或者coffee shop,呢度算幾平!
Honey Lemon Tea $35
唔係太夠蜜糖,令成杯野飲偏淡。
Iced Mocha $38朋友既無問佢好唔好飲,朋友要求用skimmed milk,呢度係有既,之後侍應有細心問需唔需要落cream,加分!
總結呢間餐廳空間大,以運動為主題,裝修夠哂特色,假日黎唔多人,坐得舒服,可以同朋友慢慢傾,食物份量大,適合一大班朋友睇波,gathering share黎食,但味道未見突出,有進步空間。
Address: 觀塘興業街4號The Wave 4樓
Tel: 93119939
沒有留言:
張貼留言